تلفاز مفتوح .. قناة اخباريه .. أب , أخوه بينهم طفل لم يبلغ السادسه .. تخرج الأم – غاضبه – من المطبخ لتأخد صغيرها و هى تصيح : لا أريد ان يرى صغيرى كل ما يحدث هنا و هناك , أكره أن تتفتح عيونه على مثل هذا .. تضمه بحنان ثم تأخده لحجرته حيث الهدوء .. تطفئ النور .. تغلق الباب , ثم تخرج
- و تبدأ الحدوته –
بمنتهى البراءه يستمع الطفل لما ليس له وجود – إلا فى حالة اعتبارنا أن للخيال ساحه يتواجد فيها - ,.. يركز الصغير حتى يسمع صوت فخيم يقول :
وظيفة " اليانس " بالطبع ليست سهلة المنال و لكى تحصل عليها لابد أن تقوم بعدة اختبارات يليها التدريب الأخير الذى يحدد إما قبولك أو رفضك .. أما انت أيها " الصوفس شلشلمونى الميامل " – "الصوفس" هى رتبه "تسبق اليانس" – فتدريبك الأخير يتلخص فى قيامك بمهمه و هى إستجواب كائن سنحضره لك .
يبدأ التدريب .. يُفتح باب غرفه بها " الكائن "
شلشلمونى : من غير رغيّ كتير إعرف إن كل كلمه هتقولها هتتسجل .. فاهم !!
- أه
شلشلمونى : اسمك ايه ؟
- سيد البشر يافندم
شلشلمونى : البشر !! .. إصتبح يا سيد بدل ما يجي اللى يصبحك
- ايه يا باشا !! ده اسم عائلتى
شلشلمونى : هنعديها , تعرفلك هوايه تقول انها المفضله عندك ؟
- الكسل هايل سيادتك
شلشلمونى : و ايه اللى بيميزك عن غيرك علشان يجيبوك المكان ده ؟
- التواكل .. ما حضرتك عارف
شلشلمونى : تعرف عملة بلدك يا سيد ؟!
- اكيد يا باشا ياما دقتها
شلشلمونى : بتقبضها كام فى الشهر ؟!
- مليـــار ظلم يا بنى
شلشلمونى : طيب سيبك من السيرة دى و إقلب على الكلام الفاضى .. مثل بتكرره كتير ؟!
- " محدش واخد منها حاجه "
شلشلمونى : منها !! .. قصدك الدنيا ؟!
- لاء .. أرضي .
شلشلمونى : فسـّر يا سيد !!
- يعنى لا ظالم بياخد عقاب .. ولا مظلوم بياخد حق .
شلشلمونى : يا سيد عدّى التريب على خير خلينا ناخد الشغلانه
- هههه يا باشا محدش بياخد منها حااااجه .
يُفتح الباب ببطئ .. ينظر شلشلمونى للباب ثم لـ " سيد " و يقول : ودّينتا فى داهيه يخربيتك .
ينظر مرة اخرى للباب ثم ....................
يدخل الأب ليطمأن على صغيره .. يغطيه جيداً .. ينادى ابنه الأكبر بصوت منخفض " يللا علشان تنام " .
said:
said:
said:
said:
said:
من مصر