أنا مـالـي
الدنيا غدّاره, نعيش فيها و نموت ما نعرف بزمبلك ماشيه ولا بحجاره
شخص اسميته صديقى
 
 

مرحبا يا اغلى صديق عندى .. أتعرف انى منذ ان عرفتك و انا اهوى المناجاة .. فاسمح لى ان اسمعك إحداها  - و هى اخرها  -  و اخر ما تمنيت ان اقوله لك و لكنك لم تكن معى أما الان فاسمعنى ولا تقاطعنى :

أتعرف انك لست صديقى ايها الصديق ؟! و لكنى اسميتك كذلك ..

اعلم انك غضبت من اولى كلماتى .. فأنت كالعاده متسرع فى احكامك ,كنت اصبر عليك طول الوقت  و لكن هذه المره أطلب منك ان تتخلي عن تسرعك قليلاً  كى استطيع اكمال حوارى معك ..

 

نعم " اسميتك صديقى " لأنك جعلت ما بقلبى يدور و يدور و يبحث عن مسمى يستتر وراءه , كى لا يصارحك بما يحمل .. كى لا يتعبك معه .. و لا يحملّك مسؤلية ما يشعر به .

حتى ان وجدها عقلى و قال لك :  " يا صديقى "

أما قلبى لا يستطيع ندائك الا بـ " يا حبيبى "

 

اعاتبك يا حبيبى لانى لم احب أحداً قبلك .. اذا فأنت السبب

اعاتبك لانك الوحيد الذى استطاع احتلال قلبى دون سبب

اعاتبك لما انا فيه الان .. ولكن   حبيبى .. لا عليك ..

 

أتعرف أنى اقسمت على أن افعل ما لم تفعله فتاة ,.. فقط ان سلمتَ لى قلبك !!

فأنا لم أكن اتمنى سوى هذا القلب

قلت : سأكون دائما جانبك لأجعلك بين الرجال أعظمهم

قلت : سأدعى ربى ان تكون اكثر الناس ارتياحا فى حياتك

قلت : سأكون اجمل الفتيات من اجلك و من اجل اكمال صورة سعادتنا

قلت : سأغمرك بحنانى الذى ستقسم انك ابدا لم تعرف قبلى معناه

قلت : سأصنع من الامان بيتا نسكن فيه معا ....

 

أتعرف لما اخترت ان يكون بيتنا من الامان !!

لانى دائما كنت أشعر بإفتقادك له

من عينيك احسستها و اعرف انها يقين

 

أحبك يا حبيبى و أريد أن انتشلك من حياتك

 اريد ان انهى حياتك التى تعيشها الان ..

 كى احييك فى حياتى

فهى الحياة التى لن ارضى لك بسواها – سواء كنت معك ام لم تكن –

 

حبيبى .. كلمه ابدا لن اسمعك اياها لانك اخترت ان نكون اصدقاء!!!

و بحكم هذه الصداقه اسمح لى حبيبى أن اعلمك شيئا مما لا تعرفه انت عن حياتك

و هو أن من تسميها " حبيبتك " ليست سوى وهما يملئ فراغا داخلك

صدقنى فأنا لم أقل ذلك لانى اريدك لى .. فأنا حزمت امرى و استطعت تحديد ما أريد

نعم , احبك و اعترف و لكنى لا اريدك لى .... اتفهمنى ؟!

سامحنى اعلم انها تجرح و لكن ......

 

حبيبى أنا لا استطيع أن اسلم قلبى الى من لا يقدره

لا استطيع أن اربط حياتى بمن لا يعرف شيئا عن حياته

لا استطيع أن اضحى بما تبقى من كيانى الممزق , بسبب اخرى اسميتها انت " حبيبتك "

كل ما استطيع ان افعله الان هو ان أبقى معك و بجانبك حتى يتحقق اطمأنانى عليك و على حياتك

 

و اعلم يا حبيبى ان قربى منك الان هو لانك حبيبى

و لكن قريبا سأكون بجانبك لانك – حقا – مجرد صديق .

 
أضافها 3alya ibrahim @ 04:45 م
خبّر عن هذا المقال: KhabberDel.ici.ousDiggRedditY! MyWebGoogle Bookmarks
(29) comments


أضف تعليقا

اضيف في 28 ابريل, 2007 05:53 م , من قبل emyemyemy

صديقتى وأختى التى أحبها فى الله / عليــاء

لولا أنا متفهمة جدآ لهذه المشاعر الجميلة ، لأنها فعلآ صادقة وهذا سبب جمالها ، قلما وجدت المصداقية فى شباب هذا الجيل وخاصتآ فى المشاعر .
كم أنت قوية بضعفك أيتها الأنثى الرقيقة المرهفة .
الحب من طرف واحد شىء قاسى جدآ ، ولكن له حل ، عارفة إية هو ؟؟!!!
الإبتعاد !!!!!
إبتعدى بمشاعرك عن صديقك أو حبيبك أو مهما كان المسمى .
لأنه ببساطة لا يستحق قلبك الجميل الحنون بكل ما يحملة من صدق وبراءة ونقاء .
تذكرت كلمة قالتها لى أمى ذات يوم رحمة الله عليها .
الضربة اللى ماتكسرك تقويك .
أتمنى تفهميها بدرى لإنى فهمتها متأخر قوى .
أتمنى لك كل السعادة وراحة البال يا غالية .
على فكرة يا لولا
إذا كانت القصة لا تمت للواقع بصلة ، فأنا أخاطب خيالك الذى كتبها ، أى يمكنك أن تعتبرى ردى أيض لا يمت للواقع بصلة .


اضيف في 29 ابريل, 2007 12:18 م , من قبل شاعرالرومانسيه وحيد
من مصر

علياء
كنت حتمكن من التعليق الاول لكن سبقتى المعتزه بدينها لكن الثانى مش مشكله
الصداقه ياصديقتى اجمل شىء فى الوجود ولا يمنع فى الصداقه الحب مدام الصداقه جيده لكن اذا كانت الصداقه لغير ذلك فلا بد من الابتعاد من هذه الصداقه
تحياتى لكى وحيد


اضيف في 29 ابريل, 2007 06:21 م , من قبل noormohamed
من مصر

عليا :

ماسأكتبه حاليا اعتقد انه يناسب خيالك او واقعك .
لا اعتقد ان اى فتاة محبه لشخص ما تستطيع الاكتفاء بالصداقه مادامت مشاعرها تحولت لاتجاه اخر منذ البدايه - احنا بنات وادرى مش زى الاولاد اللى بيتميزو نوعا ما بالصلابه -
ثانيا اى فتاه محبه لا اعتقد انها تستطيع تحمل عذاب القرب من حبيب يعتقد فيها صديق - الا اذا كانت بتكتك لتغيير مركزها بعد شفاءه من وهمه - وده نوع من الحب .
ثالثا كل ده من الامتحانات اللى قربت واللى بتغير الرؤيه يمكن يكون عندك ضعف نظر بسبب الكتب ومش شايفه كويس هو حاسس بأيه .

اختك نور


اضيف في 30 ابريل, 2007 01:24 م , من قبل محمد حسن
من مصر

صديقتى العزيزة علياء
سأحدث خيالك ومن يشعر بذلك
خلق الله آدم ثم خلق له حواء .. جعل لنا عينين إثنين .. وأذنين و شفتين ويدين وقدمين .. إثنان إثنان .. أحب كى أجد هناك من يبادلنى ذلك الحب .. أتكلم كى أجد من يصغ إلّي .. أبكى كى أجد ما يجفف ذلك الدمع .. أحزن كى أجد من يقف بجانبى يهون علي
أما أن تختصر الحياة فى شئ واحد فهذا غير مقبول
ولابد أن نفرق بين أنواع الحب فهناك حب عابر وحب غير قابل للحياة وحب يقف ضدد العواصف وحب قدر له أن يموت لحظة ولادته والحب المغلف بالوهم كما أراه فيما كتبتيه .. والحب الذى يعيش بعد موته!
ولكن عندما نفشل فى تجربة أو نتألم منها لا نلعن الحب .. بل تستمر الحياة ويستمر الحب .. فبدون الحب لا قيمة للحياة فأكيد سيرسوا قلبك الى من يقدره .. ووقتها ستعرفين أن ما مضى لم يكن حباً بل كان تمهيد لذك الحب
أتمنى لكِ حياة سعيدة


اضيف في 30 ابريل, 2007 04:06 م , من قبل allysotak
من مصر

عليا انا قريت ما كتبتينه كله
اشعر بحق الله
ان ما تكتبينه هذا نابع من احشاء
قلبك
ولكن نصيحتي
انك في فترة المراهقة
انتي حكمتي وقلتي ان من يحبها عبارة عن فترة
كذلك انتي يا علياء عبارة عن فترة تذكري جيدا
ان حبك هذا حب مراهقة
ولكن نصيحتي الاخيرة
الصداقة فعلا اقوى من الحب
الحب ربما يستمر يوم او عشرة او سنة
لكن الصداقة تستمر سنين


اضيف في 30 ابريل, 2007 07:06 م , من قبل نبيلة غنيم
من مصر

لوليتا
القلب الصغير يطير في خيال الحب .. يحتار .. يختار.. ولكنه أبدا لن يعرف التحديد .. لأن الخيال دائما يصور لنا أشياء لا صلة لها بالواقع .. فعندما يجمح خيالك ليفاضل بين الحب والصداقة فإنه يبحث عنهما .. ولو قلت لك الصاقة أقوى من الحب فسيظل القلب يبحث عن الحب .. لأن فقدان الحب شئ مدمر .. الصداقة جميلة والحب لازم ولكن كل شئ وله ميعاد يأتي الحب بميعات يعلمه الله ولكن الصداقة نصنعها نحن بصدق المشاعر والكلمة الطيبة والبسمة الرقيقة
جميل ما خطيت يداكِ .. واضح التقدم في الأسلوب وهو متناسب مع المرحلة العمرية التى تقفين عندها
أدعو لك بالخير يا قرة عينى
متعك الله بالفكر الواعي والتأتي في كل خطواتك
تحياتي


اضيف في 01 مايو, 2007 01:29 م , من قبل fatoma88
من مصر

ما كل هذه المشاعر الجميله يا علياء
عاوزه اقولك انتى ماتعرفيش مقالك ده قريب منى قد ايه لانى فعلا اعيش تلك المشاعر الجميله التى صورتيها انتى وكأنك تعيشين معى وتعرفين عنى كل شئ
صدفه غريبه فعلا
ولكن ماجمل كلامك يا علياء انا فعلا عيناى كادت ان تدمع وانا أقرأ مقالك القريب جدا جدا جدا من قلبى
لكى تحياتى يا علياء
اختك فطووووووم


اضيف في 01 مايو, 2007 10:29 م , من قبل anamaly
من مصر

اختى و حبيبة قلبى : ايموووو

" قلما وجدت المصداقية فى شباب هذا الجيل وخاصتآ فى المشاعر "

ده يا ايمو بيحصل علشان هما اساسا مش مصدقين نفسهم ولا حياتهم يبقى ازاى هيصدقو مشاعرهم - صعبه.. صح ! -

عندك حق احيانا بيكون الابتعاد هو الحل بس بيتهيالى ان فى الحاله دى فى حل تانى عارفاه !! ..
ايمو الشخص المسمى بالصديق فى القصه دى , لم يقدر مشاعر من احببته و دى حاجه سادت فى مجتمعنا كلو مش بس فى الحب
يعنى كتير من البشر - حاليا - مبقاش يقدر اى معنى ولا احساس ولا اى مسؤليه

ميرسى يا جميله لدخولك و لرأيك الذى " اعتز به "



اضيف في 01 مايو, 2007 10:34 م , من قبل anamaly
من مصر

وحييييد
ازيك

معاك فى كلامك و الصداقه فعلا شيئ هايل بس المشكله ان الصديق اللى بتتكلم عنو القصه معرفش يكون أد مسؤلية الصداقه و معرفش ينفذ حقوقها
و بالتالى فهى قالت انها مش عايزاه ليها .. لان اللى مش بيقدر الصداقه عمرو ما هيقدر الحب ولا ايه رأيك !!

ميرسى لرأيك يا وحييييد


اضيف في 01 مايو, 2007 10:37 م , من قبل anamaly
من مصر

عندك حق يا نور المذاكره جننتنى بقت بتوحي لى بأفكار عجيبه -ههههههههه-

ايوه لو بتكتك زى ما بتقولى بس هى يا عيونى تعبت من كتر الصبر و اتقلب كل كميه صبرها لممل من الحب ده

ميرسى يا جميله لتعليقك و ادعييييلى امتحاناتى خلاص مبقاش فى وقت

سلاموز


اضيف في 01 مايو, 2007 10:42 م , من قبل anamaly
من مصر

محمد حسن
اول زياره
صباحك فله

دايما دايما بجد بيعجبنى رأيك حلوه نظريه اتنين اتنين دى " جامده موت على فكره "

و متفقه مع كلامك جا بس المشكله يا محمد انى حاسه ان مفيش حاجه اسمها تمهيد للحب .. مش متخيلاها

ما علينا مانتا عارف الحوار كلو و راسى على فكرتى عن الحب بصفه عامه

كتقلقش عليا يا محمد انا ازمه لوحدى -ههه-


اضيف في 01 مايو, 2007 10:48 م , من قبل anamaly
من مصر

كريم

" احشاء قلبك " برغم انى اكره كلمه احشاء دى بس هى فى كلامك جت معبره ..
بس بردو غلط ,
لان فى فرق بين " احشاء قلبك " و "احشاء خيالك "

بالنسبه بقى لموضوع المراهقه ده فبردو هاقولك حاجه

فى ناس يا كريم بيدخلو المرحله دى و بيعيشو فيها كتير .. على عكس ناس تانيه بيخلصوها بدرى بدرى و منها بيخرجو قبل غيرهم

الصاقه فعلا اقوى من الحب بس لو فى الاساس قامت على فكره ان دى صديقتى و بس و مش اى حاجه تانيه بس لو دخل احساس الحاجه التانيه ده للحظات الموضوع كلو بيتفركش

عموما ميرسى لرأيك و دخولك


اضيف في 01 مايو, 2007 10:52 م , من قبل anamaly
من مصر

بيلاااااااااااا

اهلا اهلا

عجبتك القصه بجد !!

عارفه !
انا قولت هنزلها.. اتصدقت هكمل فى الحوار ده ....
متصدقتش , هاخدها من اصيرها و اخلينى زى ما كنت

ميرسى يا بيلا لوجودك جنبى هنا كمانوووووز


اضيف في 01 مايو, 2007 10:56 م , من قبل anamaly
من مصر

طمتومه يا لذوذتى

حاسه بيكى اوى و كأنك صاحبتى اللى عيشت معاها الحاله دى بالظبط

عارفه !
انا كنت بشوفها ادام عيونى مخنوقه و مش كنت بعرف اساعدها بأى حاجه خااالص
بس قولت اجرب ادخل جواها و اكتب احساسها و الحمد لله انى عرفت

عارفه بردو ! - شكلك هتعرفى كتير اوى انهارده -
لما انتيمتى قرأت الموضوع .. مش هوصفلك شكلها كان عامل ازاى لان اكيد انتى حستيها

احييكى يا جميله على احساسك برغم انو حوار يتجه نحو الفشل بس كفايه ان يكون جواكى الاحساس الرقيق ده

ميرسىىىىىىىى لوجودك هنا فرحنى اوى انى اعرف احلى طمتومه فى جيران

سلاموز بالطماطم


اضيف في 03 مايو, 2007 02:04 م , من قبل miasdlsm
من مصر

أود معرفة رأيك فى ه1ا الموضوع إذا تكرمت:

http://miasdlsm.jeeran.com/archive/2007/4/209458.html


اضيف في 03 مايو, 2007 02:11 م , من قبل miasdlsm

أود معرفة رأيك فى هذا الموضوع إذا تكرمت:

http://miasdlsm.jeeran.com/archive/2007/4/209458.html


اضيف في 03 مايو, 2007 09:49 م , من قبل 15071989
من المغرب

ما هدا الانفجار يا عمتي؟
انا كنت متيقنا انك نجيدين الرومانسية
و لو تدكرين فأنا الوحيد الدي طالبك بكتابة كلمات رومانسية لأعرف ما بداخلك
و كنت كتبت اولها في المدونة التي أبدتها من قبل ورأيت فيها شيئا مما أبحث عنه
و لكن هده المرة فقد تجلى امامي بوضوح تام
بس الغلط الدي هو ليس بالغلط هو انك ارتكبت خطأ الدي هو ليس بالخطأ
بمعنى ان المناجاة بطبيعتها تكون مبهمة
لمادا؟
لأنها مناجاة بينك وبين نفسك وهدا يجعل الحوار مبهما للآخر ومفهوما لنفسك فقط
بينما هنا في خربشاتك الرومانسية كتبت غبارك الشعوري تحت نور الشمس وهدا أفقده صورة المناجاة لأنك كنت ترين نفسك مضطرة الى تفسير بعض أقوالك حتى يفهمها القارئ وهدا ما جعلني اقول خطأ ليس بخطأ
المهم من حيث التعبير فأنا لن احكم عليك ولكن انت تحكمين على نفسك
قد أقول لك انك أبدعت ولكن في نفسك تحسين بأشياء لم تستطيعي التعبير عنها هنا فقط يموت ابداعك
و قد اقول لك لم تبدعي ولكن انت تحسين بأن احاسيسك قد ألقيت عليها الضوء تحت الكلمات فهنا فقط يعيش ابداعك....
بالنسبة للغتك فأتمنى الا تكتبي المقال حتى تراجعيه ألف مرة
لأن مقالتك سواء كانت نابعة من قلبك او خيالك فهي جزء منك ادن لابد ان تقدسيها أيما تقديس وان تجعليها امام القارئ في أبهى حلة وحلتها هنا هي اللغة العربية ولكن انت جعت كلماتك كالعروس في زيها المعروف و لكن كله مرقع
انتبهي للغتك كثيراو أول ما تنتبهين اليه هو العنوان
لا نقول أسميتك وانما سميتك
من حيث المستقبل فأنا أرى أنك لو استمريت في هدا النوع من الكتابة فستبدعين فيه اكثر
طبعا ان كنت تجدين صعوبة في الكتابة الرومانسية فهدا لا يعني انك لست من صنفها وانما كل شيء في البداية يكون صعبا
الشخص الرومانسي يستطيع ان يرى الوجود كله بطريقة جميلة ومحببة بينما الواقعي فانه يرى الاسود اسودا والابيض ابيضا
و الواقعي يمسك بحلقة واحدة من السلسلة فاما ان يكون سياسيا ابدا او يكون اجتماعيا ابدا او يكون اقتصاديا ابدا بينما الرومانسي فهو الدي يمسك بالسلسلة جميعا...فان كتب في السياسة ابدع وان كتب في الاقتصاد ابدع وان كتب في الاجتماع ابدع
اتمنى منك ان تركزي اهتمامك في هدا النوع من الكتابة
و اعلمي ان الرومانسية ليست حبيبي و حبيبتي احبك


اضيف في 03 مايو, 2007 09:51 م , من قبل 15071989
من المغرب


و اعلمي ان الرومانسية ليست حبيبي و حبيبتي احبك وتحبني فقط
لكن لا بأس حين تنغمسين في التعبير عن مشاعر الحب للحبيب ستصبح فيما بعد طريقة كتابتك للمواضيع الاخرى بنفس الصورة ولكن بعيدة عن الحب
تحياتي أختي الغالية


اضيف في 04 مايو, 2007 12:23 ص , من قبل onfire
من مصر

أولا آسف للتأخير بس عارف إنك هتعذريني ..
المهم الحب جميل .. جميل قوي .. أنا جرّبته قبل كده .. ممكن خمستاشر ألف مرة بس .. يعني ماعنديش خبرة قوي بس هو جميل .. و أكيد مش عيب ..بس الحب مش شرط يكون للجنس الآخر .. الحب ممكن يكون أسمى من كده بكتير .. كفاية حب السما و الطير .. كفاية .. التأمل و التّجلي .. حسب التوقيت المحلّي .. ههههه
المهم .. مقال جميل .. طلعتي فيه فوق كل المحدود بالنسبة للعمر و بالنسبة للكلمة ..

لك تحيتي
و إدعيلي.. بس بلاش "ربنا ياخدني " ها ؟

و ربنا معاكي في امتحاناتك

سلاموز بالمايونيز


اضيف في 04 مايو, 2007 10:36 ص , من قبل al7oot1
من فلسطين

السلام عليكم

أختي الغالي علياء

شكرا لكي علي مرورك الرئع العطر علي مدونتي واتمني التوصل
واتمني لكي النجاح والتوفيق في درستك وحياتك

وشكرا لك علي قلمك الرئع الجميل التي يكتب الكلام الرئع الي صديقي وليست بصديقي

وتحيــــــــــاتي

الحـــــAHMEDــــوت


اضيف في 04 مايو, 2007 10:55 ص , من قبل al7oot88
من فلسطين

السلام عليكم

أختي الغالي علياء

شكرا لكي علي مرورك الرئع العطر علي مدونتي واتمني التوصل
واتمني لكي النجاح والتوفيق في درستك وحياتك

وشكرا لك علي قلمك الرئع الجميل التي يكتب الكلام الرئع الي صديقي وليست بصديقي

وتحيــــــــــاتي

الحـــــAHMEDــــوت


اضيف في 04 مايو, 2007 09:56 م , من قبل anamaly
من مصر

miasdlsm

اوكى يا ميس هحاول

كنت اتمنى اعرف رأيك فى موضوعى


اضيف في 04 مايو, 2007 09:59 م , من قبل anamaly
من مصر

جماااااااااااااال

اهلا اهلا

ايوه و عمرى ما هنسنى انك اول واحد قالى اكتبى رومانسى
فاكره و ابدا ما هنسى

معاك فى كلامك اللى حسسنى انى غلط بس مش غلط و وقعت فى غلط هو اصلو مش غلط -هههه- محدش هيفهم انتا قصدك ايه
بس كفايه انا اكون فاهمه و اكيد انتا قصدك محدش يفهم يا لزولو يا لئييييييييم -هههههههههه-

ميرسى عالكام نصيحه دول اكيد هيفيدونى كتير فى حياتى اللى جايه و ميرسىىىىىى تانيه كبيره اوى على حاجه تانيه انتا عارفها بردو

سلاموز


اضيف في 04 مايو, 2007 10:02 م , من قبل anamaly
من مصر

محمد ابو شوشه
ههههههههه
مش بقولك انتا كارثه
اه حلو
حلو اوى
عندك حق
عنك حق اوى

يا سلام قال الحب حلو قال
ده حاجه تجيب ازمات قلبيه مزمنه يا دك

يلا كبر مش بقت تفرق بس على فكره المايونيز مع الموز هيبقى احلى من الحب -ههههههه- برغم انو هيبقى " عك رسمى "

سلاموز بالمايونيز


اضيف في 04 مايو, 2007 10:05 م , من قبل anamaly
من مصر

احمد الحوت

ميرسى يا احمد

و ربنا معانا و يوفقنا كلنا


اضيف في 05 مايو, 2007 06:33 ص , من قبل nsmaahmd
من مصر

علياء فين تعليقى على الموضوع ده انا كتبت تعليقى بعد وحيد
عموما انا مش حكتبه تانى لانك اكيد قرأتيه وماعجبكيش عشان كده .....!!
شكرا علياء


اضيف في 05 مايو, 2007 06:53 م , من قبل anamaly
من مصر

ايه يا نسمه اللى انتى بتقوليه ده ,
انتى عارفه ان حتى لو بتهزقينى و بتبهدلينى عمررررررررررى ابدا ما احذف تعليقك انتى بتتكلمى ازاى ؟؟؟؟؟؟؟؟؟؟؟؟؟

نسمه وحيات ربنا تعليقك مجاش
دى فيها زعل ازاى ؟؟؟؟؟؟؟؟


اضيف في 08 مايو, 2007 04:37 ص , من قبل nsmaahmd
من مصر

بسم الله الرحمن الرحيم
علياء أعود وألبى طلبك وأكتب تعليقى من جديد
فكلامى من الممكن انه يتوافق مع البعض وممكن العكس
ولكن مع احترامي للجميع
هذا حب ليس وهم ليس مراهقه ليس تمهيد للحب
ولكن يتبقى معرفة معنى الحب
ليس بالضروره كل من يحب يصرح بحبه للطرف الاخر فالحب كالشمس يراه الجميع ويشعر بحرارته المحبوب والحب الحقيقى نحمله فى أعماق القلب ونغلفه بالصبر والموده والصداقه والاخوه للمحب بما أن توجد حواجز تمنع وصول هذا الحب يكفى أن يكن الانسان بقرب من يحب ويجرد حبه من أى أغراض شخصيه ويمضى فى الحياه بشكل عادى
ولا لا لا تتوقف الحياه عند الحبيب يظل حبه بالقلب ونظل نراه ونتحدث مادام
بيننا الاحترام والحدود ونخشى الله والله أعلم بالقلوب وبقدر طاعة الرحمن وبقدر الصبر والكتمان سيجازينا الله خيرا ولا شيء بعيد عن الله واعلمى غاليتى أن الحب أجمل نعمه من عند الله لو جعلنا عقلنا هو الذى يقودنا لا قلبنا فالقلب أضعف بكثير من العقل ويكفى ان الحب يعلمنا اجمل وأسمى معانى الوجود فلتكن صداقه فلتكن أخوه تكن ما تكون فى النهايه كله عطاء نابع من الحب
ولكن أعود وأقول أجمل شيء أن الانسن يتحب وأصعب شيء أنه يحب
فتوجد مقوله
أن تحب هذا شيء
وأن تتحب هذا شيء وأخر
وأن تحب وتتحب فهذا كل شيء
فأتمنى لكل انسان ان يحب ويتحب

دائما بخير


اضيف في 09 مايو, 2007 01:32 ص , من قبل anamaly
من مصر

اول حاجه ميرسى يا نسمتى انك جيتى تانى

تانى حاجه رأيك جامد جدا بس فى مشكله انك بتتكلمى على اساس ان الناس كلها تقدر تضحى و تحب و تصبر زيك .. بس خلاص مبقاش فى الكلام ده

تالت حاجه مش عارفه اقولك ايه , يمكن لو كان كلامك ده كان بدرى شويتين كان فى حاجات كتير هتتغير
و كانت البنت اللى قصتى بتتكلم عنها استمرت فى حبها و العذاب الغبى اللى كانت فيه و كانت اسمت كل ده " اخلاص لحبيبها "

بس دلوقتى الموضوع فرق خالص حاليا هى مش فارق معاها حاجه . عارفه الاغنيه اللى بتسمعها دلوقتى و مطبقه كل كلمه فيها .. بتاعت اصاله " عاى"

" حتى اللى كنت دايبه فى هواه و بقول فى بعده مفيش حياه .. خدت الحكايه وقتها و كل شيئ راح و انتهى و بقيت اشوفو زى اى حد عادى .. و اقل من عادى "

فاهمنى يا نسمه !!

الموضوع اكبر من ان بنت تحب و تفضل جانبه و اكبر من قصه كان نفسها تعيشها
الموضوع كله لم يفيدها فى حاجه غير انو سبب ليها جرح كبييير اوى و اتسبب فى موت و برود لمشاعر اول مره كانت تحس بيها

نسمه
مش كل الناس حلوه و مش كل الناس تستاهل الحب اللى شوفتو انا بعيونى ده , كان بجد كتير عليه لانو عمرو ما قـّدر احساسها ولا عمرها فرقت معاه .. عارفه اللى خانقنى ايه فى الموضوع ده كله ايه !.. ان الانسان ده غريب اوى .. كان ليه بيقربها منو و هو مش ليها , كان ليه بيحسسها انها عندو حاجه مهمه و هو مش عندو ادنى استعداد فى انو يكون علشانها !!
معقد مثلا ؟!!
و بفرض انو نعقد هى تصبر ليه؟
انا شايفه ان قرارها اللى اخدتو ده صح و على فكره هى حاليا مرتاحه و هى بعيد
متقلقيش يا حبيبى احنا بـ 8 رجاله -هههه-




أضف تعليقا

<<الصفحة الرئيسية